بەڕێوەبەرایەتی کاروڕاهێنانی پیشەیی هەڵەبجە هەموو شمەكێكی پلاستیكی قەدەغە دەكات

ئاڤا نیوز

بەڕێوەبەرایەتی کاروڕاهێنانی پیشەیی پارێزگای هەڵەبجە، لە پێناو پاراستنی ژینگەی شارەکەدا هەموو شمەکێکی پلاستیکی قەدەغەکرد.

لێدوانی فەرمی: فەرحان نەسرەدین، وتەبێژی بەڕێوەبەرایەتی کاروڕاهێنانی پیشەیی پارێزگای هەڵەبجە بەئاڤانیوزی ڕاگەیاند:" ئێمە بەردەوام خولی ڕاهێنان بۆ پیشەجیاوازەکان دەکەینەوە، هەموبەشداربووێک پابەند دەکەین بەبڕیارەکەوە پێویستە سوراحی و پەرداخی شوشە بەکاربهێنێت بۆ ئاوخواردنەوە".

زانیاریی زیاتر:" ئەم بڕیارە هەموو ئەو ڕێکخراوو وگروپ و فەرمانگانەی دیکە دەگرێتەوە کە کاری هاوبەشیان لەگەڵ بەڕێوەبەرایەتی کاروڕاهێنانی پیشەیی هەبێت".

وێنە گەورەکە: پیسبوونی ژینگە بووە بە بەبابەتێکی جیهانی و لەسەر ئاستی ڕێکخراوە نێودەوڵەتیەکان قسەی لەسەردەکرێت و ڕێگای جۆراوجۆر دەگرنەبەر بۆ پاکڕاگرتنی ژینگە.