ئێران هۆشداری دەداتە هێڵەكانی فڕۆكەوانيی جیهان

ئاڤا نیوز

ئێران هۆشداری دەداتە هێڵەكانی ئاسمانی فڕۆكەوانی كە بە وڵاتەكەیدا گەشت نەكەن.

وێنە گەورەكە: چەند ڕۆژێكە ئێران و ئیسرائیل لە ئاڵۆزییەكی گەورەدان بەهۆی كوشتنی ئیسماعیل هەنییە لە تاران و ترسی مووشەكبارانكردنی ئیسرائیل هەیە لەلایەن ئێرانەوە، ئەمەش مەترسی لەسەر ئاسمانی ناوچەكە دروستكردووە.

زانیاریی بەدەستهاتوو: بەپێی هەواڵێكی ماڵپەڕی وۆڵستریت جۆرناڵی ئەمریكی، ئێران دوو ڕۆژە ئەو هۆشدارییەی داوەتە هێڵەكانی فڕۆكەوانی كە بە ئاسمانی وڵاتەكەیاندا تێنەپەڕن.

لە لایەكی دیكەوە: ئەنتۆنی بلینكن، وەزیری دەرەوەی ئەمریكا لە پەیوەندییەكی تەلەفۆنیدا لەگەڵ وەزیرانی دەرەوەی گرووپی حەوت ڕایگەیاندووە، ئێران لە 48 كاتژمێری داهاتوودا هێرشی مووشەكی دەكاتە سەر ئیسرائیل.