لیستی مووچەی مانگی هەشت ڕەوانەی بەغدا دەکرێت

ئاڤا نیوز

سەرچاوەیەک لە وەزارەتی دارایی و ئابووریی هەرێمی کوردستان ڕایگەیاند، ئامادەکاری بۆ ناردنی لیستی مووچەی مانگی هەشت دەکەن.

 

بۆچی گرنگە: حکومەتی هەرێمی کوردستان مانگانە لیستی مووچە ئامادە دەکات و ڕەوانەی بەغدای دەکات، بۆ ئەوەی لە کاتی خۆی مووچە ڕەوانە بکرێت و کێشەی بۆ دروست نەکرێت.

 

لێدوانی فەرمی: سەرچاوەیەک لە وەزارەتی دارایی و ئابووری بە ئاڤا نیوزی گوت: ئێستا ئامادەکاری بۆ ناردنی لیستی مووچەی مانگی هەشت دەکەین، تاوەکو 10ـی ئەم مانگە لیستەکە ڕەوانەی بەغدا دەکەین.

 

لەلایەکی دیکەوە: بەغدا تاوەکو ئێستا مووچەی مانگی حەوتی مووچەخۆرانی هەرێمی کوردستانی نەناردووە و بەردەوامە لە وردبینکردنی لیستی مووچەی مووچەخۆران.