دوو کۆمپانیای هاوردەکردن و سێ کۆگای دەرمان لە هەولێر داخران

ئاڤا نیوز

بەهۆی پابەندنەبوون بە ڕێنماییەکان، دوو کۆمپانیای هاوردەکردنی دەرمان و سێ کۆگای دەرمان لە هەولێر داخران.

ڕاگەیێنراوی فەرمی: تیمی چاودێریی بازاڕی بەڕێوەبەرایەتیی KMCA بە هەماهەنگی لەگەڵ پۆلیسی شارەوانی، سەردانێکی مەیدانییان بۆ شوێنە دەرمانسازییەکان کرد، سەرەنجام بەهۆکاری سەرپێچیکردن لە ڕێنماییەکان و فرۆشتنی دەرمانی بێ ستیکەر، دوو کۆمپانیای هاوردەکردنی دەرمان و سێ کۆگای دەرمانیان لە هەولێر داخست.

لە لایەکی دیکەوە: بەڕێوەبەرایەتییەکە داوا لە شوێنە دەرمانسازییەکان دەکات لە هەموو شار و شارۆچکەکانی هەرێمی کوردستان کە مامەڵەی فەرمی بە کڕین و فرۆشتنی دەرمانەوە بکەن و خۆ بەدوور بگرن لە فرۆشتنی دەرمانی بێ ستیکەر چونکە کارێکی نایاساییە، بەپێچەوانەوە بە تووندی سزادەدرێن.