نوێترین پەیامی ئەمریكا لەبارەی هەڵبژاردن لە هەرێمی كوردستان

ئاڤا نیوز

 باڵیۆزی ئەمریكا لە بەغدا ڕایگەیاند، چاودێریی هەڵبژاردنی پەرلەمانی كوردستان دەكەین كە بڕیارە ئەمساڵ بەڕێوەبچێت.

وێنە گەورەكە: ئەلینا ڕۆمانۆسكی لە پەیامێكدا  بەخێرهاتنی ستیڤ بیتنەر، كونسوڵی نوێی ئەمریكای لە هەولێر كرد، ئاماژەی بە پەیوەندییەكانی ئەمریكا لەگەڵ حكومەتی هەرێمی كوردستان كرد.

ڕاگەیێنراوی فەرمی: ئەلینا ڕۆمانۆسكی، باڵیۆزی ئەمریكا لە عێراق لە تۆڕی "ئێكس" ڕایگەیاند: چاوەڕێی قووڵكردنەوەی پەیوەندی بەهێزی ئەمنیمان لەگەڵ حكومەتی هەرێمی كوردستان دەكەین، پەیوەندیی نێوان ئەمریكا و هەرێمی كوردستان فراوان دەكەین و چاودێریی هەڵبژاردنێكی پاك و بێگەرد دەكەین كە لە 20ی تشرینی یەكەمی ئەمساڵ بەڕێوەدەچێت.

ئەوەی پێویستە بیزانیت: ڕۆژی 15ی ئابی 2024 مارك سترۆ، كونسوڵی پێشووی ئەمریكا لە هەولێر و ستیڤن بریتنی، كونسوڵی نوێی ئەو وڵاتە سەردانی سەرۆكوەزیران بارزانییان كرد و چەندین پرسیان تاوتوێ كرد لەوانەش پرسی ئامادەكارییەكانی ئەنجامدانی هەڵبژاردنی پەرلەمانی كوردستان.