لە لوبنانەوە هەشت مووشەک ئاراستەی ئیسرائیل دەکرێن

ئاڤا نیوز 

 

میدیاکانی ئیسرائیل ئاشکرای دەکەن هەشت مووشەک لە لوبنانەوە بەرەو شاری سەفد لە باکووری ئیسرائیل هەڵدراون، ڕاستەوخۆ بەر باڵەخانەیەک کەوتووە، بەهۆیەوە کەسێک کوژراوە و 7 کەسی دیکە برینداربوون. 
 
وێنە گەورەکە: گومەزی ئاسنین، ئەو سیستمە بەرگرییەی کە ئیسرائیل بۆ پاراستنی خاکەکەی دایناوە نەیتوانی بەرپەرچی ئەو مووشەکانە بداتەوە و بووە هۆکاری گیانلەدەستدانی سەربازێک و برینداربووی حەوتی دیکە. 

زانیاریی زیاتر: بەپێی میدیای ئیسرائیل، یەکێک لەو هەشت مووشەکەی بەر باڵەخانەی سەربازانی سوپای ئیسرائیل کەوتووە و سەرجەم قوربانییەکان سەربازی ئیسرائیلین. 

 

لێدوانی فەرمی: دانیێل هاگاری، گوتەبێژی سوپای ئیسرائیل: بنکەی فەرماندەیی باکوور لە بۆردوومانەکەدا کراوەتە ئامانج، سوپای ئیسرائیل ڕاستەوخۆ وەڵامی سەرچاوەی هێرشەکانی داوەتەوە.