سەرۆکی میسر سەردانی تورکیا دەکات

ئاڤا نیوز

 

سەرەتاکانی مانگی ئەیلوولی ئەمساڵ سەرۆکی میسر سەردانی تورکیا دەکات و لەگەڵ هاوتا تورکییەکەیدا کۆدەبێتەوە.

 

وێنە گەورەکە: میسر و تورکیا دەیانەوێت پەرە بە هاوکارییە هاوبەشە ستراتیژییەکانی نێوانیان بدەن و ئەم سەردانەش لەو چوارچێوەیەدا ئەنجام دەدرێت.

 

زانیاریی زیاتر: سیسی و ئەردوغان سەبارەت بە کاری هاوبەش بۆ چارەرسەری قەیرانەکانی ناوچەکە و فراوانکردنی بازرگانی و وەبەرهێنانی نێوان هەردوو وڵات گفتوگۆ دەکەن.

 

ئەوەی پێویستە بیزانیت: لەوەتەی لە ساڵی 2014ـەوە سیسی چووتە سەر دەسەڵات، ئەمە یەکەمجارە سەردانی تورکیا بکات. 

 

باکگراوند: ساڵی 2013، دوای لەسەر کار لادانی محەممەد مورسی، سەرۆکی پێشووی میسر، تورکیا پەیوەندییەکانی لەگەڵ میسر پچڕاند. ساڵی ڕابردوو بە کردنەوەی باڵیۆزخانەکانیان پەیوەندییە دیپلۆماسییەکانیان دەستپێکردنەوە.