یۆنامی: وازهێنانی پلاسخارت پەیوەندی بە گەندەڵییەوە نییە

ئاڤا نیوز

 

وازهێنانی پلاسخارت لە پۆستەکەی، بووەتە باسی گەرمی میدیا عێراقییەکان؛ یۆنامی وازهێنانەکەی بە ڕێکارێکی نێوخۆیی و میدیا عێراقییەکانیش بە کەیسی گەندەڵییان بەستووەتەوە. 

 

چی ڕوویدا: لە دوایین کۆبوونەوەی ئەنجوومەنی ئاسایش، جینین هێنس پلاسخارت وازهێنانی خۆی لە پۆستی نوێنەری تایبەتی سکرتێری گشتیی نەتەوەیەکگرتووەکان ڕاگەیاند. هەر دوای ئەوە، میدیا عێراقییەکان باسیان لە وازهێنانی پلاسخارت کرد و گوتیان: "بەهۆی ئاشکرابوونی گەندەڵییە".

 

ڕاگەیێنراوی فەرمی: "وازهێنانی پلاسخارت له‌ ئه‌ركه‌كه‌ی پەیوه‌ندیی به‌ ڕێكاره‌ یاساییه‌كانی نێو دامه‌زراوه‌ی نه‌ته‌وەیه‌كگرتووه‌كانەوە هه‌یه‌، چونکە به‌رپرسانی باڵای ئەو دامەزراوەیە، به‌شێوه‌ی خوول له‌ ئه‌ركه‌كانیان به‌رده‌وام ده‌بن". یونامی وادەڵێت.

 

لێدوانی فەرمی: "وازهێنانم لە مانگی ئایاری ئەمساڵ لە عێراق، ڕۆتینێکی ئاسایی پەیڕەوکراوە لە گۆڕینی پۆستی بەرپرسانی باڵا، پەیوەندی بەو راپۆرتانەوە نییە کە باسی گەندەڵی لە یۆنامی دەکەن". جێنین هێنس پلاسخارت، نوێنەری تایبەتی سکرتێری گشتیی نەتەوەیەکگرتووەکان لە عێراق وای گوت.