ئەمریکا شەش قاچاخچیی ماددە هۆشبەرەکان دەکوژێت

ئاڤا نیوز

هێرشەکانی ئەمریکا بۆ سەر قاچاخچییانی ماددەی هۆشبەر لە زەریای هێمن بەردەوامە، بەگوتەی وەزیری جەنگی ئەمریکا دوو بەلەم کراونەتە ئامانج و شەش سەرنشینی ئەو دوو بەلەمە کوژراون.

 

چیرۆکی سەرەکی؛ ماوەی چەند مانگێکە ئەمریکا زنجیرەیەک ئۆپەراسیۆنی سەربازی دژی بازرگانانی ماددەی هۆشبەر لە زەریای هێمن دەستپێکردووە و، ئامانجیەتی ڕێگەنەدات ئەو بازرگانانە ماددەی هۆشبەر لە وڵاتانی دیکەوە بگەیێننە خاکی ئەمریکا.

 

لێدوانی فەرمی: پیت هێگسێس، وەزیری جەنگی ئەمریکا ڕایگەیاند، دوو هێرشیان لە ئاوە نێودەوڵەتییەکان لە ڕۆژهەڵاتی زەریای هێمن ئەنجام داوە و دوو بەلەمیان کردوونەتە ئامانج کە ماددەی هۆشبەریان پێ بووە، هەر یەک لە بەلەمەکانیش سێ سەرنشینیشیان هەبووە. هەر شەش سەرنشینەکان کوژراون، بە گوتەی پیت هێگسێس لە هێرشەکەدا هیچ هێزێکی ئەمریکی زیانی بەر نەکەوتووە.

 

زانیاریی زیاتر: بە کوژرانی ئەم شەش کەسە ژمارەی کوژراوەکانی هێرشەکانی ئەمریکا لە دژی بازرگانانی ماددەی هۆشبەر گەیشتووەتە 76 کەس.