سوودانی بەڵێنی خەرجكردنی پارەی گەنمی جووتیارانی هەرێمی كوردستان دەدات

ئاڤا نیوز 

 

محەممەد شیاع سوودانی، سەرۆكوەزیرانی عێراق بەڵێنی خەرجكردنی پارەی گەنمی جووتیارانی هەرێمی كوردستانی دەدات.

 

زانیاریی بەدەستهاتوو: ئێوارەی ئەمڕۆ یەكشەممە 01-09-2024، شاخەوان عەبدوڵڵا، جێگری سەرۆكی پەرلەمانی عێراق بۆ مەبەستی چارەسەركردنی بابەتی پارەی گەنمی جووتیارانی هەرێمی كوردستان لەگەڵ محەممەد شیاع سوودانی سەرۆكوەزیرانی عێراق كۆبووەوە.

 

ئەوەی پێویستە بیزانیت: بەپێی زانیارییەكانی ئاڤا نیوز لەو كۆبوونەوەیەدا سوودانی بەڵێنی چارەسەركردنی گرفتەكە و بڕیاری خەرجكردنی تەواوی پارەكەی داوە.

 

ئەمەش بزانە: پارەی گەنمی ئەمساڵی جووتیارانی هەرێمی كوردستان 590 ملیار دینارە و تاوەكو ئێستا بەغدا تەنیا 74 ملیار دیناری داوە.