پارکی سامی عەبدولڕحمان دەبێتە پەناگەی ئاژەڵە کێويیەکان

ئاڤا نیوز

 

 پارکی سامی عەبدولڕەحمان لەمەودوا دەبێتە پەناگەی ئاژەڵە کێوییەکان و هەر ئاژەڵێک زیان بە مرۆڤ نەگەیێنێت وەریدەگرن و دەیپارێزن.

 

بۆچی گرنگە: سەرەڕای ئەوەی سیمایەکی جوان بە پارکەکە دەبەخشێت هاوکات ئاشنایەتی زياتر لەنێوان مرۆڤ و  ئاژەڵەکان دروست دەکات.

 

لێدوانی فەرمی: جەمیل حسێن، بەڕێوەبەری پارکی سامی عەبدولڕەحمان، بە ئاڤا نیوزی گوت: ئێستا کەروێشک، سمۆرە، ژیژک، ڕێوی، چەند جۆرێک باڵندە لەنێو پارکەکەدا هەیە، پێشتر لەلایەن هاونیشتمانیانەوە هێنراون و لێرە ئازاد کراون و زیادیان کردووە.

 

زانیاریی زیاتر: ئەو ئاژەڵ و باڵندانە لەلایەن بەڕێوەبەرایەتی پارکەکە و ژینگەپارێزانەوە خواردنیان بۆ دابین دەکرێت و ماڵیان بۆ دروستکراوە و دەپارێزرێن.

 

زانیاریی تایبەت: ئاژەڵ دۆستان و هاونیشتمانیان ئەگەر ئاسک یان هەر ئاژەڵێکی دیکە ببەنە نێو پارکەکە، بەڕێوەبەرایەتیی پارکەکە ڕێگری ناکات و ئامادەشن پارێزگاری لێی بکەن.