شاخەوان عەبدوڵڵا: مووچەی کەسوکاری شەهیدان هاوتا دەکرێت

ئاڤا نیوز

 

مووچەی کەسوکاری شەهیدانی ناوچە کوردستانییەکانی دەرەوەی ئیدارەی هەرێمی کوردستان، هاوتای مووچەی کەسوکاری شەهیدانی عێراق دەکرێت و هەموو شایستە داراییەکانیان دەخرێتە سەر دامەزراوەی شەهیدانی عێراق.

 

وێنە گەورەکە: لە هەواڵەکانی کاتژمێر 7:00ی ئاڤا میدیا، شاخەوان عەبدوڵڵا، جێگری سەرۆکی پەرلەمانی عێراق میوانی هەوراز گوڵپی بوو، زانیاری لەبارەی ژمارەیەک پرسی گرنگی پەیوەندیدار بە هەرێمی کوردستان ئاشکراکرد، یەکێک لەو پرسانە هاوتاکردنی مووچەی کەسوکاری شەهیدان بوو .

 

لێدوانی فەرمی: شاخەوان عەبدوڵڵا ڕاگەیاند: ئەمڕۆ سێشەممە دەنگ لەسەر پرۆژەیاسای دامەزراوەی شەهیدانی عێراق درا، شایستە دارایی و مەعنەوییەکانی کەسوکاری شەهیدانی ناوچە کوردستانییەکانی دەرەوەی ئیدارەی هەرێمی کوردستان  هاوتای عێراق دەکرێت".

 

زانیاریی زیاتر: مووچە و شایستە داراییەکانی شەهیدانی شەڕی داعش و ئەوانەی لە ساڵی شەستەکانی سەدەی ڕابردوو تاوەکو ساڵی 1991 شەهید بوون، هەموو شایستە دارایی و مەعنەوییەکانیان دەخرێتە سەر دامەزراوەی شەهیدانی عێراق .