نوێترین ئاماری قوربانییانی هێرشەکەی ئیسرائیل بۆ سەر لوبنان

ئاڤا نیوز

 

لەماوەی 48 کاتژمێری ڕابردوودا 558 هاووڵاتی لوبنانی بەهۆی هێرشی ئیسرائیل گیانیان لەدەستداوە.

 

وێنە گەورەکە: ماوەی هەفتەیەکە سوپای ئیسرائیل دەستی بەهێرشێکی چر بۆ سەر حیزبوڵڵای لوبنان کردووە وەکو وڵامدانەوەیەک بۆ هێرشە چەکدارییەکانی ئەو گرووپە، تاوەکو ئێستا زیاتر لە 500 هاووڵاتی گیانیان لەدەست داوە، هەزارانیش بریندار بوون و دەیان هەزارایش ئاوارە بوون.

 

بڵاوکراوەی فەرمی: وەزارەتی تەندروستی لوبنان نوێترین ئاماری قوربانییانی هێرشەکەی ئیسرائیلی بۆ سەر لوبنان بڵاوکردەوە و دەڵێت: بەهۆی هێرشەکانی ڕۆژی دووشەممەی ئیسرائیل، لانیکەم 558 کەس کوژران کە 50 منداڵ و 94 ژن بوون و زیاتر لە هەزار و 835 کەسیش برینداربوون کە زۆرینەیان هاووڵاتی مەدەنین. 

 

لەلایەکی دیکەوە: دوێنێ یۆئاڤ گالانت، وەزیری بەرگریی ئیسرائیل ڕایگەیاند: "ئێمە هێرشەکانمان لە لوبنان قووڵتر دەکەینەوە، لێکەوتەی ئۆپەراسیۆنەکان بەردەوام دەبێت تا بەدەستهێنانی ئامانجەکانمان بەردەوام دەبین".

 

ئەوەی پێویستە بیزانیت: هەینی ڕابردوو، ئیسرائیل ئیبراهیم عەقیل، سەکردەی دیاری حیزبوڵڵای لوبنان کردە ئامانج کە لە دوای فواد شوکر، دووەم فەرماندەی هێزە چەکدارەکانە کە لە هێرشی ئاسمانیدا دەکوژرێت .