گرژییەکانی نێوان ئیسرائیل و حیزبوڵڵا هەزاران کەس ئاوارەدەکات

ئاڤا نیوز

 

بەهۆی گرژی و ئاڵۆزییەکانی نێوان ئیسرائیل و حیزبوڵڵای لوبنان 70 تاوەکو 100 هەزار کەس لە لوبنان ئاوارە بوون.

 

لێدوانی فەرمی: بەسام مەولەوی وەزیری ناوخۆی لوبنان ڕایگەیاند: لێشاوێکی گەورەی ئاوارەبوونی هاووڵاتیان هەیە لە باشووری لوبنان هەیە، زیاتر لە 500 پەناگە دانراون بۆ حەوانەوەی ئەو ئاوارانە.  

 

زانیاریی زیاتر: لە سەرەتای گرژییەکانی نێوان ئیسرائیل و حیزبوڵڵای لوبنان و بەهۆی بەردەوامی بۆردومانەکانەوە تاوەکو ئێستا زیاتر لە 600 کەس کوژراون و زیاتر لە 2000 کەسیش بریندار بوون، بە هەزاران کەسیش ئاوارە بوون.

 

لەلایەکی دیکەوە: ئیسرائیل کاتز، وەزیری دەرەوەی ئیسرائیل، پێشنیازەکانی بۆ ئاگربەست لە لوبنان ڕەتکردووەتەوە: گووتیشی، ''ئێمە بەردەوام دەبین لە شەڕکردن''.   

 

باکگراوند: لەماوەی چەند ڕۆژی ڕابردوودا لوبنان ڕووبەڕووی هێرشێکی بەرفراوانی ئیسرائیل بووەتەوە کە ناوچە و گوند و شارۆچکەی باشوور و ڕۆژهەڵاتی ئەو وڵاتەی کردووەتە ئامانج.