لە فڕۆکەخانەی ڕەفیق حەریری لە بەیرووت 13 گەشت دواخران

ئاڤا نیوز

 

لە دوانیوەڕۆی ئەمڕۆوە 13 گەشتی فڕۆکەخانەی ڕەفیق حەریری لە بەیرووت هەڵوەشاونەتەوە یان دواخراون.

 

وێنە گەورەکە: لە دوێنێ هەینیەوە، بەهۆی کوژرانی حەسەن نەسڕۆڵڵا، ئەمینداری گشتی حیزبوڵڵای لوبنان، بارگرژییەکانی ئەو وڵاتە زیاتر بوون و ئاستەنگ بۆ گەشتەکانی فڕۆکەخانەی ئەو وڵاتە دروست بووە.

زانیاریی بەدەستهاتوو: بەگوێرەی ئەو زانیارییانەی ماڵپەڕی فڕۆکەخانەی ڕەفیق حەریری لەبارەی گەشتەکانی ئەمڕۆ بڵاویکردوونەتەوە،  لە کاتژمێر 1:30ـی دوانیوەڕۆوە حەوت گەشت دواخراون و چوار گەشتیش هەڵوەشاونەتەوە، لەهەمان کاتدا هیچ گەشتێک نەکراوە.

 

ئەوەی پێویستە بیزانیت: چوار گەشتی هەڵوەشاوە لە عێراق بووە کە هاوکاتە لەگەڵ ڕاگرتنی گەشتەکانی عێراق بۆ لوبنان لە دوێنێ شەوەوە، حەوت گەشتەکەی دیکە کە دواخراون گەشتی هەریەکە لە وڵاتەکانی سعوودیە، ئەرمینیا، ئیتاڵیا، سویسرا، بەڵجیکا و ئەڵمانیا بوون.