لەکاتی گەیشتنەوەی نەتانیاهۆ هێرش دەکرێتە سەر فڕۆکەخانەی تەلئەڤیڤ

ئاڤا نیوز

 

لەکاتی گەیشتنی نەتانیاهۆ بۆ فڕۆکەخانەی تەلئەڤیڤ، حووسییەکان مووشەکێکی بالیستیکیان ئاراستەی فڕۆکەخانەکە کرد.

 

ڕاگەیێنراوی فەرمی: حووسییەکانی یەمەن ڕایانگەیاند، لەکاتی گەیشتنەوەی بنیامین نەتانیاهۆ، سەرۆکوەزیرانی ئیسرائیل بە مووشەک هێرشیان کردووەتە سەر فڕۆکەخانەی بن گوریۆن لە تەلئەڤیڤی پایتەختی ئیسرائیل، بەبێ ئەوەی ئاماژە بە هیچ زیانێکی گیان بکات.

 

ئەوەی پێویستە بیزانیت: بنیامین نەتانیاهۆ، سەرۆکوەزیرانی ئیسرائیل لە هێرشەکە هیچ زیانێکی پێنەگەیشتووە، لەگەڵ گەیشتنەوەی بە تەلئەڤیڤ کۆنگرەیەکی ڕۆژنامەوانی سازکرد و باسی لە کوشتنی حەسەن نەسروڵڵا کرد.

لێدوانی فەرمی: نەتانیاهۆ دووپاتی کردەوە، هەرچەندە ئەرکەکانیان تەواو نەبوون بەڵام کوشتنی حەسەن نەسروڵڵا هاوسەنگی هێز لە ناوچەکە دەگۆڕێت.
 
باکگراوند: بنیامین نەتانیاهۆ بۆ بەشداریکردن لە کۆبوونەوەی نەتەوەیەگرتووەکان بە سەردانێک لە ئەمریکا بوو، هەر لە ئەمریکاش سەرپەرشتیی ئۆپەراسیۆنی کوشتنی حەسەن نەسروڵڵا، ئەمینداری گشتیی حیزبوڵڵای لوبنانی کرد.