گەڕانەوەی هاووڵاتییانی تورکیا لە لوبنان دەستی پێکرد

ئاڤا نیوز 

 

حکومەتی تورکیا لەسەر داوای هاووڵاتییانی لە لوبنان، دوو کەشتی ڕەوانەی بەندەری لوبنان کردووە بۆ ئەوەی لەو وڵاتە ڕزگاریان بکات، ئەمەش دوای هێرشەکانی ئیسرائیل بۆ سەر لوبنان و تێکچوونی دۆخی ئەو وڵاتە دێت.

 

لێدوانی فەرمی: عەلی بەڕش ئولوسۆی، باڵیۆزی تورکیا لە لوبنان بۆ تەرەتە خەبەری تورکی قسەیکرد و گوتی: دوای زیادبوونی گرژییەکانی لوبنان، بەهۆی بوونی مەترسی لەسەر ژیانی هاووڵاتی تورکی لەو وڵاتە، دوو کەشتی لە ڕێگەی دەریاوە گەیشتنە لوبنان بۆ گواستنەوەی هاووڵاتییان بۆ تورکیا.

 

زانیاریی زیاتر: لە هەمان کاتدا 300 تۆن هاوکاری پزیشکی و خۆراک لە ڕێگەی ئەو دوو کەشتییە سەربازییەوە گەیشتە لوبنان، حکومەتی تورکیا بەڵێنی بەردەوامی هاوکاریکردنی ئەو وڵاتەی دا لەو دۆخەی ئێستا تێیدایە.