زریانی میڵتۆن کەناراوەکانی فلۆریدا ڕادەماڵێت

ئاڤا نیوز

 

زریانی میڵتۆن ویلایەتی فلۆریدای لە باشووری ئەمریکا گرتەوە و وێرانکارییەکی گەورەی دروستکردووە.

 

وێنە گەورەکە: دوای دوو هەفتە لە زریانی هێلین، گەردەلوول و زریانێکی دیکە بەخێرایی 205 کیلۆمەتر لە کاتژمێرێکدا فلۆریدای گرتووەتەوە و وێرانکاریییەکی زۆری بەدوای خۆیدا هێناوە.

 

لێدوانی فەرمی: ڕۆن دی سانتیس، حاکمی ویلایەتی فلۆریدا داوا لەو کەسانە دەکات کە لە ماڵەکانیان ماون و ویلایەتەکەیان جێنەهێشتووە، لە شوێنی خۆیان بمێننەوە و لە ماڵەکانیان خۆیان بپارێزن.

 

لەلایەکی دیکەوە: بەهۆی زریانی میڵتۆن نزیکەی پێنج ملیۆن و 500 هەزار کەس ناچار بوون ماڵەکانیان جێبهێڵێن.

 

زانیاریی زیاتر: کەشناسانی ئەمریکا دەڵێن ئەم زریانە مەترسیدارترین زریان دەبێت لە مێژووی ئەمریکادا. 

 

باکگراوند: لە ساڵی 2005 زریانی کاترینا ویلایەتەکانی ئەمریکای گرتەوە و زیاتر لە 1800 کەس گیانیان لەدەست دا، پێشبینی دەکرێت زریانی میلتۆن زۆر لە زریانی کاترینا بەهێزتر بێت و زیانی گیانی زۆرتربن.