وەزارەتی گەنجینەی ئەمریکا سزای نوێی بەسەر ئێراندا سەپاند

ئاڤا نیوز

 

دوای هێرشە مووشەکییەکانی ئێران بۆ سەر ئیسرائیل، وەزارەتی گەنجینەی ئەمریکا سزای نوێی بەسەر کەرتی نەوت و پترۆکیمیاییەکانی ئێران دەسەپێنێت. 

 

وێنە گەورەکە: لە سەرەتای مانگی ئۆکتۆبەردا، ئێران لە تۆڵەی کوشتنی عەباس نیلفروشان و حەسەن نەسروڵڵا، بە 200 مووشەکی بالیستی هێرشی کردە سەر تەلئەڤیڤ. 

 

ڕاگەیێندراوی فەرمی: وەزارەتی گەنجینەی ئەمریکا ڕایگەیاند: "لە بەرامبەر هێرشەکانی ئێران بۆ سەر هاوپەیمانی ئیسرائیل، سزای نوێ بەسەر کەرتی نەوت و پترۆکیمیاییەکانی ئێران دەسەپێنێت کە ژمارەیەکی زۆری کۆمپانیای نوێی ئێرانی لەخۆ دەگرێت". 

 

زانیاریی زیاتر: ئەم هەنگاوەی گەنجینەی ئەمریکا فشارە داراییەکان لەسەر ئێران زیاتر دەکاتەوە و توانای ئەو وڵاتە بۆ بەدەستهێنانی داهاتی گرنگی وزە سنووردار دەکات.  

 

ئەمەش بزانە: وەزارەتی گەنجینەی ئەمریکا بە ڕاوێژ وەرگرتن، لە وەزارەتی دەرەوەی ئەمریکا سزای خستووەتە سەر کەرتی نەوتی ئێران.