حیزبوڵڵای لوبنان: بەتووندی ڕووبەڕووی هێرشێکی سوپای ئیسرائیل بووینەوە

ئاڤا نیوز

 

حیزبوڵڵای لوبنان دەڵێت، بەرپەرچی هێزەكانی سوپای ئیسرائیلیان داوەتەوە كە وییستوویانە بچنە نێو خاكی لوبنانەوە.

 

وێنە گەورەكە: ئاڵۆزی و پێكدادانەكانی نێوان سوپای ئیسرائیل و چەكدارانی حیزبوڵڵا لە باشووری لوبنان بەردەوامە، سوپای ئیسرائیل دەیەوێت سەربازی زیاتر بباتە ناو خاكی لوبنانەوە و حیزبوڵڵاش بەردەوام هێرش دەكاتە سەر سەربازانی ئەو وڵاتە.

 

لێدوانی فەرمی: حیزبوڵڵای لوبنان لە بەیاننامەیەكدا ڕایگەیاند: "شەوی ڕابردوو دووجار و بۆ ماوەی زیاتر لە یەک كاتژمێر لەگەڵ سوپای ئیسرائیل ڕووبەڕووی یەکتری بوونەتەوە، دوای ئەوەی سەربازانی ئیسرائیل ویستوویانە سنووری خاكی لوبنان ببەزێنن و بەتووندی هێرشمان كردووەتە سەریان".

 

ئەمەش بزانە: هێرشەكە لە ناوچەیەکی نزیک گوندی ڕامیای لوبنان کراوە و پێكدادانەكە زیاتر لە كاتژمێرێک بەردەوام بووە.

 

لەلایەكی دیکەوە: تا ئێستا سوپای ئیسرائیل هیچ زانیارییەكی لەبارەی شەڕەكە بڵاونەكردووەتەوە، ئاماری کوژراو و بریندارانیش دیار نییە.