ئەمریکا پێنج کۆگای چەکی حووسییەکان لە یەمەن بۆردوومان دەکات

ئاڤا نیوز

وەزارەتی بەرگریی ئەمریکا ژمارەیەک کۆگای چەکی حووسییەکانی یەمەن بە مووشەکی دوورهاوێژ بۆردوومان دەکات.

چیرۆکی سەرەکی: هێزەکانی ئەمریکا شەوی ڕابردوو بە مووشەکی دوورهاوێژ پێنج کۆگای ژێڕزەمینی چەکی حووسییەکانیان لە یەمەن بۆردوومان کردوون. کۆگاکان پێکهاتەی چەکی جۆراوجۆریان تێدابووە و حووسییەکان بەکاریانهێناون بۆ بەئامانجگرتنی کەشتییە مەدەنی و سەربازییەکان.

ڕاگەیێنراوی فەرمی: لوید ئۆستن، وەزیری بەرگریی ئەمەریکا دەڵێت: "ئەم بۆردوومانە ناوازەیی توانای ئەمریکا بۆ بەئامانجگرتنی توانا سەربازییەکانی نەیارەکانمان نیشان دەدات، کە هەوڵ دەدەن دژی ئێمە بەکاری بهێنن، بەبێ گوێدانە ئەوەی چەندە قووڵن لەژێر زەوییەوە، چەند پتەو و بەهێزن".

باکگراوند: لە سەرەتای سەرهەڵدانی شەڕی غەززە، حووسییەکانی یەمەن کە گرووپێکی چەکداری سەر بە ئێرانە، وەک پاڵپشتییەک بۆ بزووتنەوەی حەماسی فەڵەستین بەردەوام هێرش دەکەنە سەر کەشتییە بازرگانییەکان لە دەریای سوور، لەوکاتیشەوە چەندینجار لەلایەن ئەمریکا و بەریتانیاو و ئیسرائیلەوە پێگەکانیان بۆردوومان کراون.