عێراق ڕەزامەندی لەسەر خەرجکردنی پارەی کارمەندانی کۆمیسیۆن دەدات

ئاڤا نیوز

دوای نزیکەی نۆ مانگ لە بەڕێوەچوونی هەڵبژاردنی ئەنجوومەنی پارێزگاکانی عێراق، وەزارەتی دارایی ڕەزامەندی لەسەر خەرجکردنی پاداشتی کارمەندانی سەر سندووقەکانی دەنگدان دەات.

ڕاگەیێنراوی  فەرمی: تەیف سامی، وەزیری دارایی عێراق ڕەزامەندی لەسەر خەرجکردنی پاداشتی کارمەندانی سەر سندووقەکانی دەنگدان بۆ هەڵبژاردنی ئەنجوومەنی پارێزگاکانی عێراق بۆ ساڵی 2023 پیشان دا.

ئەوەی پێویستە بیزانیت: بۆ کارمەندانی کۆمیسیۆن 150 هەزار دینار و سەرپەرشتیارانی سندووقەکانیش 250 هەزار دینار خەرج دەکرێت.

باکگراوند: دوای 18 ساڵ، ڕۆژی 18-12-2023 هەڵبژاردنی ئەنجوومەنی پارێزگاکان لە عێراق و ناوچە کوردستانییەکانی دەرەوەی ئیدارەی هەرێمی کوردستان کرا.

لەلایەکی دیکەوە: لە هەڵبژاردنی خولی شەشەمی پەرلەمانی كوردستان کە لەلایەن کۆمیسیۆنی هەڵبژاردنەکانی عێراق سەرپەرشتی کرا، 42 هەزار كەس وەك كارمەند لەسەر سندووقەكانی دەنگدان بوون،  كۆمیسیۆن 150 بۆ 250 هەزار دیناریان پێدەدات، ئێستا لیستەکان ئامادە دەکرێن و بڕیارە دواتر پارەیان بۆ خەرج بکرێت.