بلینکن لە قەتەرە بۆ دانوستاندن لەسەر ئاگربەستی غەززە

ئاڤا نیوز 

 

ئەنتۆنی بلینکن، وەزیری دەرەوەی ئەمریکا بۆ ڕۆژهەڵاتی ناوەڕاست لە دوای سەردانی بۆ ئیسرائیل و سعودیە سەردانی قەتەر دەکات.

 

چی ڕوودەدات: دوای کوژرانی ئیسماعیل هەنیە و یەحیا سینوار، هەردوو سەرکردەی بزووتنەوەی حەماس، ئێستا هیوایەک هەیە بۆ ڕێکەوتن و گەیشتن بە ئاگربەست لە غەززە. 

 

 ڕاگەیێنراوی فەرمی: ئەنتۆنی بلینکن، وەزیری دەرەوەی ئەمریکا، بۆ دانوستاندنەکانی غەززە سەردانی قەتەر دەکات، چونکە ئاگربەستی غەززە بە نێوەندگیریی ئەمریکا، میسر و قەتەر دەکرێت. 

 

بۆچی گرنگە: ئەم سەردانەی بلینکن بۆ وڵاتانی ناوچەکە لە نێویاندا ئیسرائیل بەتایبەتی  بەمەبەستی کەمکردنەوەی گرژییەکان و ئازادکردنی بارمتەکان و ئاگربەستە لە غەززە.

 

زانیاریی زیاتر: لە سەرەتای دەستپێکردنی شەڕ لە غەززە ئەمە یازدەمین سەردانی بلینکنە بۆ ڕۆژهەڵاتی ناوەڕاست، بەمەبەستی چاودێریکردنی دۆخەکە لە نزیکەوە.