پاکستان هێرشەکەی ئیسرائیل بۆ سەر ئێران سەرکۆنە دەکات

ئاڤا نیوز 

 

پاکستان هێرشەکەی ئیسرائیل بۆ سەر ئێران بە پێشێلکردنی سەروەری و یەکپارچەیی خاکی وڵاتەکە وەسفی دەکات.

 

وێنە گەورەکە: سوپای ئیسرائیل وەکو وڵامدانەوەیەک بۆ هێرشەکانی ماوەی ڕابردووی ئێران بۆسەر وڵاتەکەی، بەرەبەیانی ئەمڕۆ هێرشی ئاسمانی کردە سەر چەند ناوچەیەکی ئێران و لە ئەنجامدا دوو سەرباز کوژران.

 

ڕاگەیێنراوی فەرمی: ‌حکومەتی پاکستان ڕۆژی شەممە ڕایگەیاند؛ هێرشە ئاسمانییەکەی ئیسرائیل بۆ سەر ئێران سەرکۆنە دەکەین و ئەو کارە پێشێلکردنی ناوەڕۆکی جاڕنامەی نەتەوە یەکگرتووەکان و یاسا نێودەوڵەتییەکانە، هاوکات ئەو هێرشانە پێشێلکردنی سەروەری و یەکپارچەیی خاکی ئێرانە و ئاشتی و سەقامگیری لە ناوچەکەدا تێکدەدات.

 

زانیاریی زیاتر: پاکستان داوای لە ئەنجوومەنی ئاسایشی نەتەوە یەکگرتووەکان و کۆمەڵگەی نێودەوڵەتیی کردووە کە ڕۆڵی خۆیان بۆ ئاشتی و ئاسایشی نێودەوڵەتیی بگێڕن و هەنگاوی خێرا بنێن بۆ کۆتاییهێنان بە بێباکییەکانی ئیسرائیل لە ناوچەکە.