لیستی مووچەی مانگی 10 ڕادەستی بەغدا کرا

ئاڤا نیوز

 

ئەمڕۆ  یەکشەممە لیستی مووچەی مانگی 10ـی مووچەخۆرانی هەرێمی کوردستان ڕادەستی وەزارەتی دارایی عێراق کرا.

ڕاگەیێنراوی فەرمی: ڕۆژی یەکشەممە ( 2024/11/3 ) لیستی مووچەی مانگی 10ـی فەرمانبەران و مووچەخۆرانی هەرێمی کوردستان لەلایەن نوێنەری وەزارەتی دارایی و ئابووری هەرێمی کوردستانەوە ڕادەستی بەڕێوبەرایەتی گشتیی ژمێریاریی لە وەزارەتی دارایی حکومەتی فیدراڵ کرا.  

 

زانیاریی زیاتر: هەفتەى ڕابردوو شاندێکى تەکنیکى و ژمێرکارىی وەزارەتی دارایی و ئابووری سەردانى بەغدادیان کرد، پێش خۆیان لیستى مووچەی مانگی 10ـیان ڕەوانەى بەغدا کردبوو، بەڵام بەهۆى تێبینى لەسەر لیستەکە، لەلایەن وەزارەتى دارایی عێراقەوە نێردرایەوە بۆ هەرێمى کوردستان.

ئەوەی پێویستە بیزانیت: بەغدا دوو تێبینی لەسەر لیستی مووچە هەبوو، یەکێکیان ئەوەیە دەبێت هەرێمی کوردستان لە داهاتی نانەوتی تەمویلی هاوتاکردنی مووچەی خانەنشینانی هەرێمی کوردستان بدات و بەغدا ئامادە نییە ئەو کارە بکات، دووەم تێبینی بەغداش بریتیبوو لە جیاکردنەوەى ناوى ئەو مووچەخۆرانەی بایۆمەتری و 'یو پی ئێن'ـیان تەواو نەبووە.

 

 ئەمەش بزانە: ئاڤا زانیویەتی تاوەکو ئێستا 93 هەزار مووچەخۆر ماون بایۆمەتری بکەن، دوو هەزار و 200 مووچەخۆری مەدەنی و 90 هەزار و 80 مووچەخۆری سەربازیی.