ئەمریکا چەند پێگەیەکی گرووپە چەکدارەکان لە سووریا دەکاتە ئامانج

ئاڤا نیوز 

 

فەرماندەیی ناوەندی سوپای ئەمریکا (سێنتکۆم) ڕایگەیاند، درەنگانی شەوی ڕابردوو نۆ بنکەی گرووپە چەکدارەکانی سەر بە ئێرانییان لە سووریا کردووەتە ئامانج.

 

وێنە گەورەکە: لە دەستپێکی هەڵگیرسانی شەڕی غەززە و دواتریش شەڕی لوبنان، ئەو گرووپە چەکدارانەی كە لە سووریا و عێراق چالاکن، ناو بەناو هێرش دەکەنە سەر پێگەی سەربازی ئەمریکا لە سووریا. 

 

ڕاگه‌یێنراوی فه‌رمی: سێنتکۆم ڕایگەیاند، لە سووریا نۆ پێگەی گرووپە چەکدارەکانی سەر بەئێرانییان کردە ئامانج، بەرامبەر ئەو ھێرش و بۆردومانەی ئەو گرووپانە لە ماوەی 24 کاتژمێری ڕابردوودا کردویانەتە سەر سەربازانی ئەمریکا لە سووریا.

 

باکگراوند: لە ماوەی چەند ڕۆژی ڕابردوو، گرووپە چەکدارەکان چەندین جار بە درۆن و مووشەک هێرشیان کردووەتە سەر کێڵگەی نەوتی عومەر و کێڵگەی غازی کۆنیکۆ لە سووریا.