ژمارەی قوربانییانی کەرتی غەززە لە 100 هەزار کەس نزیک دەبێتەوە

ئاڤا نیوز 

 

140 رۆژە جەنگی نێوان ئیسرائیل و چەکدارانی فەڵەستینی بەردەوامە، ژمارەی قوربانییانیش ڕۆژ بە ڕۆژ زیاتر دەبن و نزیک دەبنەوە لە 100 هەزار کەس. 

 

ژمارەکان وادەڵێن: لە کەرتی غەززە ژمارەی قوربانییان بەگشتی گەیشتە 99 هەزار و 344 کەس، ئەوانەی گیانیان لەدەستداوە 29 هەزار 606 کەسن، ژمارەی برینداربووەکانیش 69 هەزار و 738 کەس تۆمارکراون. تەندروستیی غەززە ئەم ئامارانەی بڵاوکردەوە. 

 

مەترسییە پێشبینیکراوەکان: بەر لە مانگی ڕەمەزان، پێشبینی دەکرێت هێرشی سوپای ئیسرائیل بۆ سەر ناوچەی رەفەح دەستپێبکات، زیاتر لە دوو ملیۆن ئاوارەی کەرتی غەززە لەو ناوچەیە لەژێر خێوەتدا دەژین، ئەگەری هەیە ژمارەی قوربانییان بەهۆی ئەو هێرشەوە زۆر زیاتر بێت.