نەوەی نوێ سەرۆک و جێگر و بڕیاردەری فراکسیۆنەکەی لە پەرلەمان دیاری دەکات

ئاڤا نیوز

 

بەر لە ئەنجامدانی یەکەم کۆبوونەوەی خولی شەشەمی پەرلەمانی كوردستان و سوێندخواردنی پەرلەمانتاران، نەوەی نوێ سەرۆك و جێگر و بڕیاردەری فراكسیۆنەكەی دیاری كرد.

 

زانیاریی بەدەستهاتوو: بەپێی زانیارییەكان، جوڵانەوەی نەوەی نوێ كوردەوان جەمال، بە سەرۆكی فراكسیۆن و سیپان ئامێدی، بە جێگر دەستنیشان کرد، هاوکات خۆشی فەرەیدون کرایە بڕیاردەری فراكسیۆنی نەوەی نوێ لە خولی شەشەمی پەرلەمانی كوردستان.

 

لەلایەكی دیكەوە: ئەم بڕیارەی نەوەی نوێ لەكاتێكدایە كە محەممەد سلێمان تەمەن 76 ساڵ، پەرلەمانتاری نەوەی نوێ بەهۆی ئەوەی بەتەمەنترین ئەندامی خولی شەشەمی پەرلەمانی كوردستانە، لەیەكەم دانیشتنی پەرلەمان كە وابڕیارە ڕۆژی دووشەممە 2-12-2024 بەڕێوەبچێت، سەرۆكایەتیی دانیشتنەكە دەكات.