حیزبوڵڵای لوبنان هێرش دەکاتە سەر پێگەیەکی سەربازیی ئیسرائیل

ئاڤا نیوز

حیزبوڵڵای لوبنانی لە وەڵامی پێشێلکارییەکانی ئیسرائیل پێگەیەکی سەربازیی ئیسرائیلی لە سنووری لوبنان دەکاتە ئامانج.

 

ڕاگەیێنراوی فەرمی: حیزبوڵڵای لوبنانی ڕایگەیاند: چەندین جار ئیسرائیل ئاگربەستی پێشێل کردووە، لەڕێگەی هێرشی ئاسمانی و تەقەکردنی سەربازانییان لە هاوڵاتیانی سڤیل، ئەمەش بووەتە هۆی گیانلەدەستدانی دوو هاونیشتمانی و برینداربوونی چەند کەسێکی دیکە.

 

حیزبوڵڵا ئاماژەی بە ئەوەش دا کە لە وەڵامی ئەو "پێشێلکارییانە" پێگەیەکی سەربازیی ئیسرائیلی لە ناوچەی ڕوەیسات لە سنووری بەرزاییەکانی کەفر شوبای "خاکی داگیرکراوی لوبنان" کردووەتە ئامانج.

 

ئەمەش بزانە: دوای زیاتر لە ساڵێک لە شەڕ و پێکدادانی سوپای ئیسرائیل و چەکدارانی حیزبوڵڵای لوبنان، ڕۆژی چوارشەممە 27-11-2024 ئاگربەستی نێوان ئیسرائیل و لوبنان چووە باری جێبەجێکردنەوە.