بە هۆی نائارمییەکانی سووریاوە 280 هەزار کەس ئاوارە بوون

ئاڤا نیوز

 

نەتەوەیەکگرتووەکان ڕایگەیاند، بەهۆی پێشهاتەکانی ئەم دواییەی سووریاوە، لە 27ـی نۆڤەمبەری ئەمساڵەوە، 280 هەزار کەس لەو وڵاتە ئاوارە بوون.

 

ئەوەی پێویستە بیزانیت: چەکدارانی دەستەی تەحریر شام و هاوپەیمانەکانی دوای کۆنترۆڵکردنی حەلەب و حەمما بەرەو حومس لە پێشڕەویدان. هاوکات سوپای سووریا لە ڕێگەی هێرشی ئاسمانییەوە چەکدارەکان دەکاتە ئامانج.

 
لێدوانی فەرمی: ئەبو محەممەد جۆلانی، سەرکردەی دەستەی تەحریر شام ڕایگیاند، ئامانجی ئەوان کۆنترۆڵکردنی دیمەشقی پایتەخت و ڕووخاندنی حکومەتەکەی بەشار ئەسەدە.

 

جۆلانی گوتیشی لە پێناو گەیشتن بەم ئامانجە هەر هۆکارێکی بەردەست دەگرنەبەر.