لە هەولێر قۆناغی دووەمی دابەشکردنی زەوی دەستپێدەکات

ئاڤا نیوز

 

شارەوانی هەولێر سەرقاڵی ئەنجامدانی ڕێکارە هونەرییەکانە بۆ ئەنجامدانی تیروپشکی دابەشکردنی زەوی بەسەر فەرمانبەرانی سنووری پارێزگاکە، چاوەڕوان دەکرێت هەفتەی داهاتوو پڕۆسەکە دەستپێبکات.

 

وێنە گەورەکە: وەزارەتی شارەوانی وردبینی لە ناوی 100 هەزار فۆڕمی فەرمانبەران کردووە، دوای ڕەزامەندی ئەنجوومەنی وەزیران و بەگوێرەی زەوی ئامادەکراو لە سنووری شارەوانییەکان دەست بە دابەشکردنی زەوی دەکرێت.

 

لێدوانی فەرمی: کارزان هادی، بەڕێوەبەری شارەوانی هەولێر بە ئاڤا نیوزی ڕاگەیاند: "ڕێکارە هونەرییەکان تەواو نەبوون بۆیە لەم هەفتەیە ناتوانین تیروپشک بۆ قۆناغی دووەمی دابەشکردنی زەوی بکەین، چاوەڕوان دەکرێت لە هەفتەی داهاتووەوە پڕۆسەکە دەستپێبکات."

 

زانیاریی زیاتر: لەم قۆناغە تەنیا لە هەولێر و سلێمانی تیروپشک بۆ ناوی فەرمانبەران دەکرێت و نزیکەی 40 هەزار پارچە زەوی ئامادە کراون، کە 15 بۆ 20 هەزاریان لە سنووری پارێزگای هەولێر دەبێت.