وەزیری کارووباری پەنابەرانی تاڵیبان لە کابوڵ کوژرا

ئاڤا نیوز

 

خەلیل حەقانی، وەزیری کاروباری پەنابەرانی تاڵیبان لە تەقینەوەیەکدا لە کابوڵی پایتەختی ئەفغانستان کوژرا.

 

وێنە گەورەکە: ڕۆژی چوارشەممە 11-12-2024، تەقینەوەیەک لە وەزارەتی پەنابەرانی تاڵیبان لە کابوڵ ڕوویدا و لە ئەنجامی تەقینەوەکەدا وەزیری پەنابەرانی ئەو وڵاتە لەگەڵ چەند هاوکارێکی دیکەی کوژران.

 

ڕاگەیێنراوی فەرمی: دوو سەرکردەی باڵای تاڵیبان ڕایانگەیاند: خەلیل ڕەحمان حەقانی لەگەڵ چەند کەسێکی دیکەدا لە تەقینەوەکەی ئەمڕۆدا کوژراون.

 

زانیاریی زیاتر: خەلیل ڕەحمان حەقانی، کەسایەتییەکی دیاری ناو تاڵیبان بوو کە کاری لەسەر گەڕاندنەوەی پەنابەرە ئەفغانییەکان بۆ تاڵیبان دەکرد و مامی سیراج الدین حەقانی، وەزیری ناوخۆی ئەفغانستان بوو.

 

ئەمەش بزانە: هەرچەندە ئەنجامدەرانی تەقینەوەکە پشتڕاست نەکراونەتەوە، بەڵام داعش چەندین جار لەم جۆرە هێرشانەی ئەنجامداوە، ئەمەش گرژییەکانی لەگەڵ حکومەتی تاڵیبان لە چەند مانگی ڕابردوودا زیادکردووە، ئێستا لێکۆڵینەوە بۆ زانینی وردەکاری تەواوی ڕووداوەکە بەردەوامە.