ڤینیسیۆس جۆنیۆر خەڵاتی زە بێستی بردەوە

ئاڤا نیوز

 

ڤینیسیۆس جۆنیۆر، یاریزانی هەڵبژاردەی بەڕازیل و یانەی ڕیاڵ مەدریدی ئیسپانی توانی خەڵاتی زە بێستی ئەمساڵ بەدەستبهێنێت و ببێتە باشترین یاریزانی ساڵی 2024ـی فیفا.

 

چیرۆکی سەرەکی: ئەمشەو دابەشکردنی خەڵاتەکانی فیفا بۆ ساڵی 2024 لە دەوحەی پایتەختی قەتەر بەڕێوەچوو و تیایدا باشترینەکانی ساڵ هەڵبژێردران.

 

لێدوانی فەرمی: ڤینیسیۆس جونیۆر دوای بەدەستهێنانی خەڵاتەکە ڕایگەیاند، "لە هەژارییەوە هاتووم، ئێستا کە بوومەتە باشترین یاریزان، دەمەوێت لێرەوە سوپاسی ئەوانە بکەم کە یارمەتیاندام و هاوکارم بوون."

 

باشترین یاریزانی ساڵی 2024 گوتیشی، "دەمەوێت بۆ ماوەیەکی درێژ لە ڕیاڵ مەدرید بمێنمەوە، چونکە گەورەترین یانەی جیهانە."