زەوی بە هێزەکانی پاسەوانی سنوور دەدرێت

ئاڤا نیوز

 

لەسەر بڕیاری سەرۆکوەزیرانی عێراق، زەوی بەسەر هێزەکانی پاسەوانی سنوور دابەش دەکرێت و دوای تەواوبوونی ڕێکارەکانیش، بڕیارەکە دەچێتەبواری جێبەجێکردنەوە.

 

بڵاوکراوەی فەرمی: بەگوێرەی نوسراوێکی نوسینگەی فەرماندەی گشتی هێزە چەکدارەکانی عێراق کە لە ڕۆژی 12ی ئەم مانگە دەرچووە و ئاڕاستەی وەزارەتی ناوخۆ کراوە، ئاماژەی بەوەشداوە، ڕەزامەندی سەرۆکوەزیران-فەرماندەی گشتی هێزە چەکدارەکان وەرگیراوە بۆ دابینکردنی زەوی بۆ هێزەکانی پاسەوانی سنوور.

 

ئەوەی پێویستە بیزانیت: هێزەکانی پاسەوانی سنوور ئەرکیان پاراستنی سنوورەکانی عێراقە لەگەڵ وڵاتانی دراوسێ، لە هەرێمی کوردستانیش ژمارەیەکی زۆری هاونیشتیمانی لەناو ئەو هێزەدا خزمەت دەکەن, بەڵام تائێستا دیار نییە لە بڕیارەکە سوودمەند دەبن یاخود نا.