هاوسەری سەرۆکی پێشووی سووریا تووشی شێرپەنجەیەکی کوشندە بووە

ئاڤا نیوز

 

بەگوێرەی میدیاکانی بەریتانیا ئەسما ئەسەد، هاوسەری سەرۆکی پێشووی سووریا (بەشار ئەسەد) بەهۆی شێرپەنجەی خوێنەوە باری تەندرووستی نا جێگیرە.

 

چیرۆكی سه‌ره‌كی:  ئەسما ئەسەد کە ئێستا تەمەنی 49 ساڵە، پێشتر لە ساڵی 2019 توشی شێرپەنجەی مەمک بوو و چارەسەری بۆکرا،  بەڵام  لە مانگی ئایاری ساڵی ڕابردوو جارێکی دیکە تووشی شێرپەنجەی خوێن بوو.

 

ڕاگەیێنراوی فەرمی: ڕۆژنامەی (زە تێلێگراف)ـی بەریتانی لەڕاپۆرتێکدا ئاماژەی بەوەداوە،  ئەگەری مانەوەی ئەسما لە ژیاندا  50% ـەیە، چونکە ئەو شێرپەنجەیەی بۆی گەڕاوەتەوە لە جۆرێکی کوشندەیە و کاریگەری لەسەر مۆخی ئێسک و خوێن هەیە.

زانیاریی بەدەستهاتوو:  ئێستا تەنیا فەواز ئەخرەس، پزیشکی دڵ کە دەکاتە باوکی ئەسما  لە مۆسکۆ یاوەری کچەکەیەتی  و دەیەوێت بیباتەوە بۆ لەندەن، چونکە ئەسما هەڵگری پاسپۆرتی بەریتانییە لەوێش لەدایکبووە، بەڵام بەپێی یاسای ئەو وڵاتە هەتاکو هاوسەری بەشار بێت مەحاڵە بتوانێ ئەو کارە بکات، لەبەرئەوەی بەپێی ئەو سزایانەی بەسەر بنەماڵەی ئەسەدا سەپێنراوە، ئەویش تاوەکو ئێستا بەشێکە لەو بنەماڵەیە.