دەمانچەکەی شەرع لە دیدارەکەی لەگەڵ شاندەکەی عێراق هەرا دەنێتەوە

ئاڤا نیوز

 

لەمیانی پێشوازیکردنی لە سەرۆکی دەزگای هەواڵگریی عێراق، ئەحمەد شەرع فەرماندەی ئۆپەراسیۆنە سەربازییەکانی سووریا دەمانچەی لەقەد بەستبوو، ئەمەش کاردانەوەی جیاوازی تۆڕەکۆمەڵایەتییەکانی لێدەکەوێتەوە.

 

وێنە گەورەکە: دوای ڕووخانی حکومەتەکەی بەشار ئەسەد چەندین بەرپرسی وڵاتانی جیهان و عەرەب سەردانی دیمەشقیان کرد و لەگەڵ ئەحمەد شەرع، فەرماندەی ئۆپەراسیۆنە سەربازییەکانی سووریا کۆبونەوە، لەهەموو دیدارەکاندا شەرع بەپۆشاکی مەدەنییەوە دەرکەوتووە.

 

ئه‌وه‌ی له‌باره‌یه‌وه‌ دەگوترێت: چاودێران و چالاکوانانی تۆڕە کۆمەڵایەتییەکان دەپرسن،  بۆچی شەرع تەنیا لە دیدارەکەی لەگەڵ شاندی عێراق دەمانچەی لەقەد بەستبوو و جیاوازتر لە کۆبوونەوە و دیدارەکانی پێشووی دەرکەوت.

 

ئه‌وه‌ی پێشبینی ده‌كرێت: بەپێی سەرچاوەکانی هەواڵ، مەبەست لە سەردانەکەی شاندی عێراق بۆ دیمەشق بابەتی هەواڵگریی و پاراستنی ئاسایش و سەقامگیریی سنوورە هاوبەشەکانی نێوان هەردوو وڵات بووە.