ئومێد خۆشناو: ئەمساڵ ئاسانکاری زۆر لە بازگەکان بۆ هاتنی گەشتیاران دەکرێت

ئاڤا نیوز

 

پارێزگاری هەولێر ڕایدەگەیێنێ، بەمەبەستی پێشوازیکردن بۆ هاتنی ژمارەیەکی زیاتری گەشتیار بۆ سنووری پارێزگای هەولێر، ئەمساڵ ئاسانکاری زۆر لە بازگەکان بۆ گەشتیاران دەکرێت.

وێنە گەورەکە: ساڵانە لەگەڵ نزیکبوونەوە لە بۆنە و ئاهەنگەکان، گەشتیارێکی زۆر لە ناوچەکانی خوار و ناوەڕاستی عێراق و دەرەوەی وڵات سەردانی هەرێمی کوردستان دەکەن.

 

لێدوانی فەرمی: ئومێد خۆشناو، پارێزگاری هەولێر بە ئاڤا میدیای ڕاگەیاند: ئامادەکاریی بۆ پێشوازی لە گەشتیاران کراوە، بەرنامەی و پلانی ئەمنیی بۆ دانراوە.

 

زانیاریی زیاتر: بەڕێوەبەرایەتی گەشتوگوزاری هەولێر بەهەماهەنگی لەگەڵ ئاسایشی بازگەکان ئاسانکاریی زۆر پێشکەشی گەشتیاران دەکەن.

 

ئەوەی پێویستە بیزانیت: پارێزگای هەولێر سەرەڕای دابینکردنی ئەمنییەت و ئاسایش، چەند ڕێککارێکی گرتووەتەبەر تاوەکو بە باشترین شێوە پێشوازیی لەو گەشتیارانە بکرێت کە لە بازگەکانەوە سەردانی شاری هەولێر دەکەن لەوانە، ئامبۆڵانس بۆ حاڵەتی تایبەت، بڵاوەپێکردنی پۆلیسی هاتووچۆ تاوەکو لەو ڕێگەیەوە جەنجاڵی شەقامەکان کەم بکرێتەوە.

 

ئەمەش بزانە: کاتژمێر 12:00 شەوی سەری ساڵ لەسەر قەڵای هەولێر بە یاری ئاگرین پێشوازیی لە ساڵی 2025 دەکرێت کە پێشبینی دەکرێت ژمارەیەک زۆری هاونیشتمانییان و گەشتیاران ئامادە بن.