یەکەم کاروانی هاوکارییەکانی میسر گەیشتە دیمەشق

ئاڤا نیوز

 

لەدوای ڕووخانی دەسەڵاتی بەشار ئەسەد لە سووریا، ئەمڕۆ شەممە میسر یەکەم کاروانی هاوکارییەکانی ڕەوانەی سووریا کرد.

 

وێنە گەورەکە: دوای کەوتنی دەسەڵاتی بەشار ئەسەد لە سووریا لە 8-12-2024، هێزەکانی تەحریرولشام دەسەڵاتی وڵاتەکەیان گرتەدەست، دواتر حکومەتێکی کاتیی پێکهێنرا. ئێستا سەرکردەکانی سووریای نوێ دەیانەوێت پەیوەندییە دیپلۆماسییەکانی وڵاتەکەیان لەگەڵ وڵاتانی دراوسێ و ناوچەکە و جیهان دروست بکەنەوە.

 

چی ڕوودەدات: ئەمڕۆ شەممە حکومەتی میسر 15 تۆن کەرەستەی پزیشکیی و فریاگوزاریی ڕەوانەی سووریا کرد، هاوکات بڕیارە چەندین هاوکاریی مرۆیی دیکە لە ماوەکانی داهاتوودا ڕەوانەی ئەو وڵاتە بکات.

 

زانیاریی بەدەستهاتوو: بەدر عەبدولعەتی، وەزیری دەرەوەی میسر پەیوەندییەکی تەلەفۆنی لەگەڵ ئەسعەد ئەلشەیبانی، هاوتا سوورییەکەی ئەنجامدا و تیایدا و پشتیووانی تەواوی میسری بۆ سووریا دووپات کردەوە.