مووچەی مامۆستایانی گرێبەست دابەش دەکرێت

ئاڤا نیوز

 

وەزارەتی دارایی و ئابووریی حكومەتی هەرێمی كوردستان وادەی دابەشكردنی مووچەی مامۆستایانی گرێبەست ئاشكرا دەكات.

 

ڕاگەیێنراوی فەرمی: وەزارەتی دارایی و ئابووری ڕایگەیاند: ڕۆژی پێنجشەممە 9-1-2025، مووچەی مامۆستایانی گرێبەستی وەزارەتی پەروەردە لە سەرتاسەری هەرێمی كوردستان دابەش دەكرێت كە تەمویلەكەیان لەسەر داهاتی ناوخۆی هەرێمی كوردستان خەرج دەكرێت.

 

ئەوەی پێویستە بیزانیت: وەزارەتی دارایی و ئابووریی ڕۆژی یەكشەممە، 5-1-2025 دەستی بە دابەشكردنی مووچەی مانگی 11ی ساڵی 2024ی فەرمانبەرانی هەرێمی كوردستان كرد و بەپێی خشتەی مووچە ڕۆژی سێشەممە 7-1-2025 مووچەی مامۆستایان و فەرمانبەرانی وەزارەتی پەروەردە دابەش دەكرێت.