نەتەوە یەکگرتووەکان: لە ساڵی 2024 لە ئێران 901 کەس لە سێدارەدراون

ئاڤا نیوز 

 

وتەبێژی نووسینگەی مافی مرۆڤ لە نەتەوە یەکگرتووەکان ڕایگەیاند, لە ساڵی ڕابردوو دا ئێران زۆرترین کەسی لە سێدارە داوە و بەڕادەیەک گەیشتووەتە 901 کەس.

 

وێنە گەورەکە: ئێران لە ساڵی ڕابردوودا ژمارەی لە سێدارەدانی بەشێوەیەکی بەرچاو زیاد کردووە بە شێوەیەک  901 کەس لەسێدارە دراون کە 31یان ژن بوون، بەپێی ئەو ڕاپۆرتانەی کە لەلایەن ڕێکخراوی  مافەکانی مرۆڤی نەتەوە یەکگرتووەکان ڕۆژی سێشەممە ڕایگەیاند.

 

لێدوانی فەرمی: لیز ترۆسێل وتەبێژی نووسینگەی مافی مرۆڤ لە نەتەوە یەکگرتووەکان ڕایگەیاند: زۆرینەی حاڵەتەکانی پەیوەست بە ژنان پەیوەندییان بە تۆمەتی کوشتنەوە هەیە کە  زۆربەیان قوربانی توندوتیژی خێزانی یان هاوسەرگیری پێشوەختە یان زۆرەملێ بوون.

 

لەلایەکی دیکەوە: ڤۆڵکەر تورک، کۆمیسیاری باڵای مافەکانی مرۆڤ ڕایگەیاند: لە ساڵی ڕابردوودا زۆرترین سزای لە سێدارەدان جێبەجێکراوە لە ماوەی نۆ ساڵی ڕابردوودا کە 972 کەس بووە.

 

ئەوەش بزانە: زۆربەی ئەوانەی سزای سێدارەدانیان بەسەردا جێبەجێکراوە ئەوانەن کە بە بەکارهێنانی ماددە هۆشبەرەکان, هۆکاری سیاسی, ئەو کەسانەی کە بەشدارییان لە ناڕەزایەتییەکانی ساڵی 2022 کردووە تۆمەتبار کراون.