ئایدن مەعرووف: حكومەتی عێراق زوڵمێكی گەورە لە خەڵكی كوردستان دەكات

ئاڤا نیوز

ئایدن مەعرووف، وەزیری هەرێم بۆ كاروباری پێكهاتەكان سەبارەت بە نەناردنی مووچەی فەرمانبەرانی هەرێمی كوردستان ڕایگەیاند، حكومەتی عێراق زوڵمێكی گەورە لە خەڵكی كوردستان دەكات.

وێنە گەورەكە: بەهۆی نەناردنی بڕی پێویستی پارە لەلایەن حكومەتی عێراقەوە، تاوەكو ئێستا فەرمانبەرانی هەرێمی كوردستان مووچەی مانگی 12ی ساڵی ڕابردوویان وەرنەگرتووە، ئەمە لە كاتێكدایە كە فەرمانبەرانی عێراق چەند ڕۆژێكی دیكە مووچەی مانگی یەكی ئەمساڵ وەردەگرن.

لێدوانی فەرمی: ئایدن مەعرووف، لە كۆنفڕانسێكی ڕۆژنامەوانیدا ڕایگەیاند:

- مووچە، مافێكی ئاسایی و بنەڕەتی مووچەخۆرانە و ئێستا حكومەتی عێراق مامەڵەیەكی نەگونجاو لەگەڵ خەڵكی كوردستان دەكات و سیاسەتێكی هەڵە پەیڕەو دەكات ئەمەش كاریگەریی لەسەر پەیوەندییەكان دەبێت، پێویستە عێراق پابەند بێت بە دەستوور.

- عێراق مووچەی هێناوەتە نێو كێشمەكێشی سیاسی و نەناردنی مووچە زوڵمێكی گەورەیە لەلایەن حكومەتی عێراقەوە دەرحەق بە خەڵكی كوردستان.