لە عێراق چەند حاڵەتێکی شێرپەنجەی مەمک له نێو پیاواندا تۆمار دەکرێت

 

ئاڤا نیوز

فەرمانگەی تەندروستی نەجەف ڕایدەگەیێنێت، ڕێژەی تووشبوون بە شێرپەنجەی مەمک له نێو پیاواندا لە پارێزگاکەدا بەرزبووەتەوە.

وێنە گەورەکە: شێرپەنجەی مەمک لە پیاواندا نەخۆشییەکی دەگمەنە، حاڵەتەکە بە کەمتر لە 1% دەخەمڵینرێت، واتە ئەگەری تووشبوون بە شێرپەنجەی مەمک لە پیاواندا لە هەر هەزار کەسدا یەک کەسە.

لێدوانی فەرمی: سوندس عه‌بدولعال، سەرۆکی بەشی کۆنترۆڵی شێرپەنجە لە فەرمانگەی تەندروستیی نەجەف ڕایگەیاند: فەرمانگەکەمان 9 حاڵەتی تووشبوونی بە شێرپەنجەی مەمک لەنێو پیاواندا تۆمار کردووە، ئەم ژمارەیەش بەراورد بە ساڵی ڕابردوو بەرزبووەتەوە. بەڵام بەراورد بە ژمارەی دانیشتوانی پارێزگاکە بە حاڵەتێکی سروشتی دادەنرێت.

هۆكارە زانراوەكان: بە گوتەی سوندس عه‌بدولعال، فەرمانگەکەیان هەوڵی ڕێگریی لە بڵاوبوونەوەی ئەم نەخۆشییە دەکات و هۆکاری بڵابوونەوەکەشی بۆ چەند خاڵێک گەڕاندەوە، لەوانە؛ هۆکاری بۆماوەیی و سیستمی خۆراکی هەڵە و جگەرەکێشان و نێرگەلە و خراپ بەکارهێنانی هۆرمۆنەکان لەلایەن ئەوانەی یاریی لەشجوانیی دەکەن بەبێ گەڕانەوە بۆ پزیشک.