سبەی یەکشەممە ئاگربەستی غەززە جێبەجێ دەکرێت

ئاڤا نیوز

چەند کاتژمێرێک پێش ئەوەی ڕێککەوتنی ئاگربەست بچێتە بواری جێبەجێکردنەوە، سوپای ئیسرائیل رایگەیاند کە لە بەشێکی غەززە هێزەکانیان دەمێننەوە، هۆشدارش دەداتە دانیشتووانی ئەو کەرتە کە ڕووبەڕووی سەربازەکانیان نەبنەوە.

 

چیرۆکی سەرەکی: کاتژمێر 09:30ـی بەیانی یەکشەممە بە کاتی هەولێر، ئاگربەستی نێوان ئیسرائیل و حەماس دەچێتە بواری جێبەجێکردنەوە و لە چوارچێوەی قۆناغی یەکەمی ئاگربەست، بڕیارە لە کاتژمێر 05:00ـی ئێوارەی هەمان ڕۆژ ئاڵوگۆڕی دیلەکان لە نێوان ئیسرائیل و حەماسدا بکرێت، 33 بارمتەی ئیسرائیل لەلایەن حەماسەوە ئازاد دەکرێن، لەبەرامبەردا ئیسرائیل 1890 دیلی فەلەستینی ئازاد دەکات.

لێدوانی فەرمی: خاچی سووری نێودەوڵەتی ڕایگەیاند، ئامادەکاری دەکەن بۆ جێبەجێکردنی ئۆپەراسیۆنێکی ورد بۆ ئاسانکاریکردن لە ئاڵوگۆڕکردنی دیل و بارمتەکان لە نێوان حەماس و ئیسرائیل، جگە لە چڕکردنەوەی هەوڵە فریاگوزاری مرۆیییەکانیان لە کەرتی غەززە.

لە لایەکی دیکەوە:  سوپای ئیسرائیل ڕایگەیاند، لە چەند ناوچەیەکی غەززە دەمێننەوە و  هۆشداری دایە دانیشتوانی غەززە کە خۆیان بە دووربگرن لە ڕووبەڕووبوونەوەی سەربازانیان و دەیانەوێت دڵنیابن لەوەی هەموو وردەکارییەکانی ڕێککەوتنەکە جێبەجێدەکرێت.

ئەمەش بزانە: بەگوێرەی ڕێککەوتنەکە ، سوپای ئیسرائیل لە چەند ناوچەیەکی دیاریکراوی غەززە دەمێننەوە.