لە هەولێر بە هۆی دووکەڵی پیس و دەنگی بەرز ژمارەیەک مۆلیدە کۆژێنرانەوە

ئاڤا نیوز

ئەمڕۆ لە هەولێر ژمارەیەک مۆلیدەی ئەهلی لەناو کۆڵان گەڕەکەکانی هەولێر کوژێندرانەوە بەهۆی ئەوەی دووکەڵی پیسیان هەبوو و ژینگەیان پیس دەکرد.

وێنە گەورەکە: بە بڕیاری سەرۆکوەزیران مەسرور بارزانی، لە کابینەی نۆیەمدا کۆمەڵێک بڕیار لە بەرژەوەندی هاووڵاتیان دەرکرا، یەکێک لەو بڕیارانە هەڵگرتنەوەی مۆلیدە ئەهلییەکانی گەڕەک و کۆڵانەکان بوو، بۆ پاکڕاگرتنی ژینگە و لابردنی ئەو دەنگە ناخۆشانەی کە خەڵک پێی بێزاڕ دەبوون.

لێدوانی فەرمی: خۆران تەحسین، سەرۆکی ئەنجوومەنی مۆلیدە ئەهلییەکانی هەولێر بە ئاڤا میدیای ڕاگەیاند: لیژنەیەکی ئەنجوومەنی مۆلیدە ئەهلییەکان لەگەڵ پۆلیسی قایمقامیەت گەڕەک بە گەڕەک دەگەڕێن و خاوەن مۆلیدەکان ئاگادار دەکەنەوە لەوەی نابێت بە هیچ شێوەیەک دووکەڵ لە مۆلیدەکان بەرز ببێتەوە و پێویستە دەنگیشیان نەمێنێت.

لەلایەکی دیکەوە: عوبەید هەرکی، پەیامنێری ئاڤا میدیا لەگەڵ لیژنەکە سەردانی مۆلیدەیەک دەکەن، دەبینن هەم دۆکەڵێکی زۆری هەیە و هەمیش پیسییەکی زۆر و دەنگێکی زۆری هەیە، سەرۆکی ئەنجوومەنی مولیدەکانیش دەڵێت چەندین جار خاوەنی ئەو مۆلیدەیەمان ئاگادارکردووەتەوە، بەڵام هەر دووبارەی دەکاتەوە و ئێستاش دۆسیەکەی لای داواکاری گشتییە، دواتریش مولیدەکە دەکوژێننەوە و لێپێچینەوەی یاسایی لەگەڵدا دەکەن.