حەماس: لیستی ناوی بارمتەکانمان بۆ ئیسرائیل ڕەوانەکرد

 ئاڤا نیوز

 

بەرپرسێکی باڵای حەماس ڕایدەگەیێنێ، بزووتنەوەکەیان لیستی ناوی ئەو بارمتانەیان ڕەوانەی دەسەڵاتدارانی ئیسرائیل کردووە کە بڕیارە ئازاد بکرێن.

 

وێنە گەورەکە:  بڕیار بوو ئەمڕۆ یەکشەممە کاتژمێر 8:30  ڕێککەوتنی ئاگربەستی غەززە و ئازادکردنی دیلەکان لەنێوان ئیسرائیل و حەماس بچێتە بواری جێبەجێکردەوە، بەڵام ئیسرائیل بەبیانوی ڕادەستنەکردنی لیستی ناوی ئەو بارمتانەی کە بڕیارە ئازاد بکرێن، ڕەتیکردەوە ڕێککەوتنە جێبەجێ بکات و  بۆردوومانی چەند ناوچەیەکی لە غەززە کرد و بەو هۆیەوە سێ فەلەستینی کوژران.

 

لێدوانی فەرمی: دوای بۆردوومانەکەی ئەمڕۆی ئیسرائیل بۆ سەر غەززە، بەرپرسێکی باڵای حەماس بە میدیاکانی ڕایگەیاند، بزووتنەوەکەیان لیستی ناوی ئەو بارمەتانەیان رادەستی دەسەڵاتدارانی ئیسرائیل کرد بە بڕیارە ئەمڕۆ یەکشممە بەگوێرەی ڕێککەوتنی نێوان حەماس و ئیسرائیل ئازاد بکرێن.

 

بۆچوونی لایەنی بەرامبەر: لایخۆیەوە ئیسرائیل پشتڕاستی کردەوە کە لیستی ناوی ئەو بارمتانەی کە بڕیارە ئەمڕۆ ئازاد بکرێن بەدەست گەیشتووە.

 

باکگراوند: ڕۆژی چوارشەممە 15ـی 1ـی 2025، دوای 15 مانگ لە شەڕ و کوژرانی زیاتر لە 46 هەزار کەس، ڕێککەوتنی ئاگربەست و ئازادکردنی دیلەکان بە نێوەندگیریی ئەمریکا و میسر و قەتەر لەنێوان حەماس و ئیسرائیل ڕاگەیێنرا. بڕیار بوو ئەمڕۆ یەکشەممە کاتژمێر 8:30  بە کاتی ناوخۆیی غەززە ڕێککەوتنەکە بچێتە جێبەجێکردنەوە.