مەسرور بارزانی لەگەڵ هاوتا هۆڵەندییەکەی جەخت لە بەهێزکردنی پەیوەندییەکان دەکەنەوە

ئاڤا نیوز

 

لەمیانی دیدار و گفتوگۆکانی لە کۆڕبەندی ئابووری داڤۆس، سەرۆکوەزیرانی هەرێمی کوردستان لەگەڵ سەرۆکوەزیرانی هۆڵندا، جەختیان لە بەهێزکردنی پەیوەندییەکانی نێوان هەردوولا کردەوە.

 

وێنە گەورەکە: ئەمڕۆ چوارشەممە 22-1-2025، سەرۆکوەزیران مەسرور بارزانی لەگەڵ دیک شوف سەرۆکوەزیرانی هۆڵندا لە داڤۆس کۆبووەوە.

 

ڕاگەیێنراوی فەرمی: لەمیانی دیدارەکەدا سەرۆکوەزیران مەسرور بارزانی و هاوتا هۆڵندییەکەی جەختیان لە بەهێزکردنی پەیوەندییەکانی نێوان هەردوولا لە هەموو بوارەکان کردەوە.

 

زانیاری زیاتر: گۆڕانکاری و پێشهاتەکانی ڕۆژهەڵاتی ناوەڕاست و سووریا بەشێکی دیکەی گفتوگۆکانی نێوان مەسرور بارزانی و دیک شوف بوو.

 

لەلایەکی دیکەوە: تاوتوێی پێویستی پاراستنی ئاشتی و سەقامگیری و پشتیوانی کۆمەڵگەی نێودەوڵەتی، بۆ پێکهێنانی حکومەتێکی گشتگیر و هەمەلایەنە بە بەشداری هەموو پێکهاتەکانی سووریا لە پرۆسەی سیاسی و بەڕێوەبردنی وڵات کرا.