وەزارەتی كارەبا: دۆخی کارەبا ئاسایی بووەوە

ئاڤا نیوز

 

وەزارەتی كارەبای هەرێمی كوردستان ئاشكرای دەكات دوای دروستبوونی کێشە لە وێستگەی غازی كۆرمۆر و کەمبوونەوەی 700 مێگاوات كارەبا، تیمەکانیان توانیان چارەسەری کێشەکە بکەن و ئێستا دۆخەکە ئاسایی بووەتەوە.

ڕاگەیێنراوی فەرمی: وەزارەتی کارەبای هەرێمی کوردستان لەبارەی چارەسەری کێشەکەوە ڕایگەیاند، هاوبەشانی کارەبا ئاگادار دەکەینەوە، کە توانرا چارەسەری کێشەی وێستگەی کارەبای غازی کۆرمۆر بکرێت و لە ئێستاشدا بارودۆخەکە ئاسایی بووەوە و بڕی کارەبای بەرهەمهاتوو گەیشتەوە 3700 مێگاوات. 

باکگراوند: پێشتر وەزارەتی کارەبا بڵاویکردبووەوە، بە هۆی دروستبوونی کێشە لە گواستنەوەی غازی (LPG) لە وێستگەی غازی کۆرمۆر، کۆمپانیای داناغاز ناچار بووە بە دابەزاندنی 100 پێ سێ جا غاز و کەمبوونەوەی 700 مێگاوات بەرهەمهێنانی کارەبا.