بەغدا لەسەر ئاستی جیهان لە ڕووی چاودێریی تەندروستییەوە خراپترینە

ئاڤا نیوز

 

بەگوێرەی پۆلێنبەندییەکی ماڵپەڕی نۆمبیۆ، لە ڕووی چاودێریی تەندروستییەوە بەغدای پایتەختی عێراق خراپترین شاری جیهانە و لە کۆی 303 شاری جیهان کە پۆلێنبەندییەکەی بۆ کراوە، بەغدا 303ـینە.

 

چیرۆکی سەرەکی: کەرتی تەندروستی لە عێراق وەک هەر کەرتێکی دیکە قوربانی دەستی گەندەڵییە، سەرەڕای زۆری سەروەت و سامانەکانی ئەو وڵاتە. بەڵام خزمەتێکی ئەوتۆ بۆ کەرتی تەندروستی نەکراوە و بەدەست چەندین قەیرانی جیاوازەوە دەناڵێنێت.

 

بڵاوکراوەی فەرمی: بەگوێرەی دوایین ڕاپۆرتی ماڵپەڕی نۆمبیۆ بۆ مانگی کانوونی دووەمی 2025، بەغدای پایتەخت لە پلەی 303ـینە لە نێو شارەکانی جیهاندا بە کۆکردنەوەی 35 خاڵ لە کۆی 100 خاڵ و کەتووەتە دوایین شاری جیهان.

 

ئەوەی پێویستە بیزانیت: بەگوێرەی پۆلێنبەندییەکە، شاری کاوسیونگ لە تایوان بە بەدەستهێنانی 88,6 خاڵ خاڵ لە پلەی یەکەم دێت. لە نێو وڵاتانی عەرەبیشدا شاری دەوحەی قەتەر بە بەدەستهێنانی 73 خاڵ لە پلەی 71 و یەکەمی وڵاتانی عەرەبی دێت و بەغدای پایتەخی عێراقیش لە پلەی 303ـین و کۆتایی دێت.

 

ئەمەش بزانە: ئەم پۆلێنبەندییە بۆ تێگەیشتن و بەراوردکردنی سیستمی چاودێریی تەندروستییە لە سەرانسەری جیهان، بۆ هەڵسەنگاندنی کوالێتیی چاودێریی تەندروستی بە لەبەرچاوگرتنی پیشەییبوون، شارەزایی و لێهاتوویی پزیشکان، بەردەستبوونی ئامێرە مۆدێرنەکان و چاودێری وردی تەندروستی لەلایەن دامەزراوەکانەوە.