یەکەم شاندی ڕووسیا گەیشتە دیمەشق و لەگەڵ ئیدارەی نوێی سووریا کۆدەبنەوە

ئاڤا نیوز

 

شاندێکی وەزارەتی دەرەوەی ڕووسیا گەیشتە دیمەشق، چاوەڕوانی دەکرێت شاندەکە لەگەڵ ئیدارەی نوێێ سووریا کۆببنەوە، ئەمەش یەکەم پەیوەندی دیپلۆماسی ڕووسیا و سووریا دەبێت، دوای ڕووخانی ڕژێمی بەشار ئەسەد. 

 

 بڵاوکراوەی فەرمی: ئاژانسی هەواڵی ڕووسی بڵاویکردەوە، میخائیل بۆگدانۆڤ، جێگری وەزیری دەرەوەی ڕووسیا گەیشتە دیمەشق لەگەڵ بەرپرسانی ئیدارەی نوێی سووریا کۆدەبێتەوە، ئەمەش دەبێتە یەکەم پەیوەندیی مۆسکۆ لەگەڵ ئیدارەی نوێی سووریا لە دوای ڕووخانی بەشار ئەسەد.

 

ئەوەی پێویستە بیزانیت: مۆسکۆ لەسەردەمی دەسەڵاتی بەشار ئەسەد، پەیوەندییەکی بەهێزی لەگەڵ سووریا هەبوو، ئەسەد دوای ڕووخانی دەسەڵاتەکەی لە 8-12-2024 بەرەو مۆسکۆ هەڵات. ڕووسیاش تانک و کەرەستە سەربازییەکانی بە هاوکاری چەکدرانی نزیک لە تورکیا لە ڕووسیا کشاندەوە.

 

گۆشەیەکی دیکەی ڕووداوەکە: ئەمەش لە چوارچێوەی هەوڵەکانی تورکیایە بۆ فراوانکردنی پەیوەندییە دیپلۆماسی و سیاسییەکانی ئیدارەی نوێی سووریا لەگەڵ وڵاتان، بۆ بەهێزکردنی ئیدارەکەی ئەحمەد شەرع، سەرۆکی ئیدارەی نوێی ئەو وڵاتە.