نوێنەری ترەمپ داوای پابەندبوون بە قۆناغەکانی داهاتووی ئاگربەستی غەززە دەکات

ئاڤا نیوز

نوێنەری دۆناڵد ترەمپ، سەرۆکی ئەمریکا پابەندبوونی واشنتنی بە قۆناغی دووەم و سێیەمی ڕێککەوتنی غەززە دووپاتدەکاتەوە.

چیڕۆکی سەرەکی: دوای 15 مانگ لە شەڕی نێوان ئیسرائیل و حەماس، دواجار لە 15-01-2025، ئەمریکا، قەتەر و میسر کە نێوەندگیریی ئاگربەستی غەززە دەکەن، ڕازیبوونی ئیسرائیل و حەماسیان لەسەر ئاگربەست و ئاڵوگۆڕی بارمتە و بەندکراوەکان ڕاگەیاند و لە 19-1-2025 ئاگربەست کەوتە بواری جێبەجێکردنەوە.

لێدوانی فەرمی: ستیڤن ویتکۆف، نێردەی سەرۆکی ئەمریکا لە ڕۆژهەڵاتی ناوەڕاست ڕایگەیاند:

- واشنتن پابەندە بە گەڕاندنەوەی سەرجەم زیندانییەکان.

- پابەندین بە درێژەدان و بەردەوامبووون  لەسەر قۆناغی دووەم و سێیەمی ڕێککەوتنی ئاگربەست لە کەرتی غەززە لەنێوان ئیسرائیل و حەماس.

زانیاریی زیاتر: 12 ڕۆژ بەسەر ئاگربەستی غەززەدا تێپەڕییووە، تەنیا 30 ڕۆژ لە قۆناغی یەکەمدا ماوە، لە ماوەی ئەم 12 ڕۆژەشدا ئاڵۆگۆری چەندین بارمتە لەنێوان ئیسرائیل و حەماسدا کراوە و چاوەڕێ دەکرێت لە ڕۆژانی داهاتووشدا پرۆسەکە بەردەوامی هەبێت.